Hófst með Galileo

Þessi umræða um geimvopn hóst þegar evrópska geimferðastofnunin (ESA) ákvað að skjóta upp sínu eigin staðsetningarkerfi (Galileo) sem yrði hannað með hinn óbreytta borgara í huga, andstætt bandaríska GPS kerfinu, sem er upphaflega hannað fyrir bandaríska herinn. Rússar eru einnig með sitt eigið óklárað kerfi sem heitir Glonsass, sem er orðið eilífðarverkefni vegna fjármagnsskorts. Indverjar fengu síðan að vera með í Glonsass sem hleypti smá lífi í framkvæmdina. Glonsass á að vera tilbúið 2010 en er enn á eftir áætlun.  Bandaríkjamenn geta læst GPS kerfinu ef til stríðsátaka kemur, þannig að enginn annar en bandaríkjaher getur skotið GPS-stýrðum eldflaugum á nákvæmlega skilgreind skotmörk. Þetta hefur angrað aðrar heimsálfur sem hefur eflaust verið til þess að Glonsass og Galileo var hleypt af stokkunum. Fljótlega eftir að fyrsta galileo-gervihnettinum var skotið á loft kom í fréttirnar í bandaríkjunum að bandaríski herinn væri að þróa orkumikinn laser, sem gæti verið notaður til þess að skjóta niður gervihnetti frá jörðu niðri. Ég las einhversstaðar að þessi laser væri hannaður í samvinnu við Ísrael, byggt á þeirri staðreynd að bandaríkjamenn og Ísraelar eru þegar í samstarfi við að fullhanna eldflaugavarnarkerfi  sem Ísraelar hönnuðu upphaflega, en fengu auka fjármagn frá BNA með því skilyrði að bandarískinn herinn fengi einnig að byggja slíkt.  Þetta finnst mér þó hálf furðulegt þar sem Ísraelar eru aðilar að Galileo síðan árið 2004, ásamt t.d. S-Kóreu , Úkraínu og Soudi-Arabíu.
                Þannig að ef til stríðsátaka kemur, þá eiga bandaríkjamenn nú að geta skotið niður Galileo og Glonsass og síðan einir skotið sjálfstýrðum eldflaugum.  Það hafa einnig verið uppi samsæriskenningar að bandaríkjamenn vilji koma upp karnaoddi á braut um jörðu, sem hægt væri að nota til þess að skjóta niður hvaða skotmark sem er á jörðinni á mjög skömmum tíma, en ég sel það ekki dýrara en ég keypti það.
                Kjarni málsins er semsagt sá að bandaríkjamenn vilja eiga til áætlun gegn hinum fjarskiptakerfunum, hvort heldur sem laser-kerfið virki eða þeir verði að koma með nýja hugmynd.

Rússar vilja ekki vopnakapphlaup í geimnum